انصار: ( د لړم ۲۷ مه)، په خوست کې طالب چارواکي وايي چې د دغه ولایت له غلام خان ګمرک څخه يې ۳۶ ټنه خرابې یا خوسا پاکستانۍ وریجې بېرته دغه هیواد ته لېږلې دي.
د طالبانو تر کنټرول لاندې باختر خبري آژانس راپور ورکړی چې دا وریجې پر دې سربېره چې په نباتي ناروغیو ککړې وې، حشرې یې هم لرلې.
طالبانو مخکې ویلي وو چې په ګمرکونو کې د وارداتي توکو پلټنه کوي او بې کیفیته مالونه بېرته استوي.
سره له دې چې پاکستان په ځلونو په بیلابیلو پلمو د افغانستان د مېوو او نورو صادراتي شیانو مخه نیسي، افغانستان د پاريپړو په شان د پاکستان مضرو تولیداتو ته خپلې وارداتي لارې تل پرانیستي دي.
د خوست د غلام خان بندر د مسوولانو له لوري د مضرو پاکستاني وریجو مخنیوی او مصادره، یو له لومړنیو ګامونو څخه دی چې د پاکستان د بې کیفیته محصولاتو د مخنیوي لپاره اخیستل کېږي او تمه ده چې دوام وکړي.
تر دې وړاندې دې د طالبانو چارواکو د ایران د بې کیفیته تېلو د وارداتو د مخنیوي او ایران ته د هغو د مصادره کولو په برخه کې کړي دي.
URL تعقيب: https://www.ansarpress.com/pashto/34413
